കാളികാവ്: പെരുന്നാള്‍ ദിനത്തില്‍ മാളിയേക്കലിലെ നിര്‍ധന കുടുംബത്തിന് മാളിയേക്കല്‍ പ്രവാസി കൂട്ടായ്മ (മവാസ) വീട് നല്‍കി. കറുത്തേടത്ത് നബീസക്കാണ് മാളിയേക്കല്‍ പ്രവാസി കൂട്ടായ്മ പ്രവര്‍ത്തകര്‍ അഞ്ച് ലക്ഷം രൂപ ചെലവില്‍ വീട് നിര്‍മിച്ച് നല്‍കിയത്.
നബീസയുടെ ഭര്‍ത്താവ് വര്‍ഷങ്ങള്‍ക്ക് മുമ്പ് നാടുവിട്ടു പോയിരുന്നു. വയോധികയായ മാതാവും 12 വയസ്സുകാരി മകളുമടങ്ങുന്ന കുടുംബം ഇത് വരെ മറച്ച് കെട്ടിയ ഷെഡിലാണ് താമസിച്ചിരുന്നത്. കുടുംബത്തിന്റെ ദയനീയാവസ്ഥ കണ്ട് പ്രവാസി കൂട്ടായ്മ വീട് നിര്‍മിച്ച് നല്‍കാന്‍ തീരുമാനിക്കുകയായിരുന്നു.
മാളിയേക്കലിലെ 30 പേര്‍ക്ക് മാസത്തില്‍ 500 രൂപ പെന്‍ഷന്‍, പ്രദേശത്തെ നിര്‍ധന വിദ്യാര്‍ത്ഥികളുടെ പഠന ചെലവുകള്‍, കുടുംബങ്ങള്‍ക്ക് ആടുവിതരണം, അടിയന്തര സഹായങ്ങള്‍ എന്നിവ ചെയ്തു വരുന്നു.
കഴിഞ്ഞ ദിവസം വീടിന്റെ താക്കോല്‍ദാനം പ്രവാസി കൂട്ടായ്മ ഭാരവാഹികളായ കെ.പി റഷീദ്, പി. അബ്ദുല്ല നിര്‍വഹിച്ചു. സെക്രട്ടറി പി. ഷമീര്‍ അധ്യക്ഷത വഹിച്ചു. കെ.വി മുനീര്‍, അബ്ദുറഷീദ് സഅദി, റിട്ട.പ്രധാനാധ്യാപിക കെ.കെ സുമതി പ്രസംഗിച്ചു.
No comments:
Post a Comment
ജ്ജ് മുണ്ടാണ്ടെ പോവ്വാ