പൊന്നാനി . അമേസിങ്ങ്‌! ശാരീരിക വെല്ലുവിളിയെ തോല്‍പ്പിച്ച്‌ ഷറഫുദ്ദീന് നടത്തിയ അതിശയകരമായ മുന്നേറ്റം കണ്ടാല്‍ ആരും പറഞ്ഞുപോകും. പോളിയോയുടെ രൂപത്തിലെത്തിയ വിധിയെ പഴിച്ച്‌ വീട്ടിലിരിക്കാതെ ഷറഫുദ്ദീന് തുടങ്ങിയ കേറ്ററിങ്ങ്‌ സര്‍വീസ്‌ ഒരു തണല്‍മരമായി വളരുകയാണ്‌. ശാരീരിക വെല്ലുവിളി നേരിടുന്നവര്‍ ഉള്‍പ്പെടെ 150 തൊഴിലാളികളുടെ പ്രിയപ്പെട്ട ഷറഫുഭായ്‌ ആണ്‌ പൊന്നാനി കടവനാട്‌ സ്വദേശി കക്കാട്ടീരി അകത്ത്‌ ഷറഫുദ്ദീന് (26) ഇന്ന്‌.
ആത്മാര്‍ഥമായ സ്നേഹവും സേവനവും കൈമുതലാക്കിയ സംഘത്തിന്റെ പേര്‌ അമേസിങ്ങ്‌. കേറ്ററിങ്ങ്‌ യൂണിറ്റ്‌ തുടങ്ങിയത്‌ ഉപജീവനത്തിനുവേണ്ടി മാത്രമായിരുന്നില്ല. തന്നെപ്പോലെ ശരീരത്തെ വെല്ലുന്ന കരുത്തുള്ളവര്‍ക്ക്‌ ജീവിതത്തിന്റെ രുചി പകരാന്‍കൂടിയാണെന്ന്‌ ഷറഫുദ്ദീന് പറയുന്നു. വീല്‍ചെയറിലിരുന്ന്‌ മൊബൈല്‍ ഫോണില്‍ ഒരു വിളി മതി, 150 തൊഴിലാളികളും അണിനിരക്കും. പരിപാടിയുടെ സ്വഭാവത്തിനും തിരക്കും അനുസരിച്ച്‌ ഷറഫുദ്ദീന് നല്‍കുന്ന നിര്‍ദേശങ്ങള്‍ കൃത്യമായി പാലിക്കും. കല്യാണമോ സമ്മേളനമോ എത്ര വലിയ പരിപാടിയായാലും ഏറ്റെടുക്കാന്‍ ധൈര്യം നല്‍കുന്നത്‌ ആ സ്നേഹബന്ധമാണ്‌. തന്റെ 150 സുഹൃത്തുക്കള്‍ക്കു പുറമേ മറ്റു യൂണിറ്റുകളില്‍നിന്നും കേറ്ററിങ്ങിന്‌ ആളെ എത്തിക്കുന്നു.
ജോലിസ്ഥലത്ത്‌ എല്ലാം വീല്‍ചെയറിലിരുന്നുകൊണ്ടു നിയന്ത്രിക്കും. ചെറുപ്പത്തില്‍ പോളിയോ ബാധിച്ച്‌ ഇരുകാലുകളുടെയും സ്വാധീനം നഷ്ടപ്പെടുകയായിരുന്നു. എസ്‌എസ്‌എല്‍സി കഴിഞ്ഞപ്പോഴേക്കും പഠനം അവസാനിപ്പിക്കേണ്ടിവന്നു. പിന്നീട്‌ വീട്ടിലിരുന്ന്‌ മൊബൈല്‍ റീച്ചാര്‍ജിങ്ങ്‌ തുടങ്ങി. ഏഴുവര്‍ഷം മുന്‍പ്‌ സുഹ്യത്തുക്കളുടെ പ്രേരണയില്‍ കേറ്ററിങ്ങ്‌ യൂണിറ്റിന്‌ തുടക്കമിട്ടു. ഷറഫുദ്ദീന് ഭാര്യയും ഒരു മകളുമുണ്ട്‌.
Baccarat, Craps, Poker and Casino - FEBCasino.com
ReplyDeleteBet on baccarat online! Learn how to play and 사설 바카라 win at Baccarat. Read our latest guide to the game. The casino offers great